బుజ్జి తండ్రి..

అమ్మమ్మ వడి నీకు
హంస తూలికా తల్పమేరా..
నా కన్నా....
మీ అమ్మ ఊగిన
ఉయాలే రా..ఇది
నా కన్నా .
జో జో లు కొట్టేను ..
లాలి లాలి అని పాడేను..
అన్ని మరచి నిదుర పోరా..
నా కన్నా..

రాముడై ఎదిగి.
విలు విద్యలే చూపేవో..
ఒక్క మాటపై నిలిచి..
ఇల ధర్మమే నిలిపేవో..

కృష్ణుడిగా మారి..
వెన్న ముద్దలే తినేవో..
గోపెమ్మెల చుట్టూ చేరి..
గోల గోల చేసేవో..

గాజు కన్నుల కలలు
ఫలియింప గాజేసి..
నిండు నూరేళ్ళు
జీవించు తండ్రి..
ఆపైన వెయ్యేళ్ళు
నీ పేరు ..
అమరమై నిలువ..

సిరిని చేపట్టిన వాడు
శ్రీనివాసుడు నిను
కాపాడు గాక..
సమస్తము తానైన
సాయి నాధుడు నిను
సంరక్షించుగాక..

అమ్మమ్మనై నీ ఆలనల
ఆనందాలే పొందేనురా..
నీ ఆయువుల శ్వాసిస్తూ..
నా ప్రేమల .. నిను బందిస్తూ..
నా కన్నా...నా నాన్నవేరా..
చిన్ని తండ్రీ...బజ్జోరా..బుజ్జి తండ్రి..!
..