స్వామి చరణాల వాలేదేలా..!!

అభయ హస్త మిచ్చి ఆపదల గాచుచు...
అన్నీ తానై...తలనీలాలను ముడుపుగా చేకొను స్వామి..

గోవింద ...గోవింద ..అని తలచినంతనే..
హృదయంలోనికి పరుగు పరుగున వచ్చి చేరే స్వామి.

.

వైకుంఠముని వీడి ..శేషగిరిపై..శిలగా మారి..
కలి పాపాలనుంచి కాపాడ..వేంకటేశ్వరుడై నిలిచిన స్వామి..

నిత్య కళ్యాణాలతో...పూజా కైంకర్యాలతో..సేవలందుకుంటూ..
క్షణమాత్రం దర్శనం తోనే..జన్మతః పుణ్యఫలం ప్రసాదించు స్వామి..

ఆ స్వామి దివ్య లీలలను వింటూ...ఎప్పుడెప్పుడా ..
శ్రీనివాసుని కన్నుల నిలుపుకొను భాగ్యమని తలపోస్తూఉన్నా..
గుండె గుబులాయె..మరి..ఏడేడు కొండలు ఎక్కాలంటే...
చేతిలో కానీ లేక..చెంతను శక్తి లేక..చేరేదెలా ..?.
స్వామి చరణాల వాలేదేలా..?
సతమతమయ్యే ప్రశ్నలతో..
ఎదతలపులలో ఆ వెంకన్నని నిలుపుకొని..
నిరీక్షిస్తూ ఉన్నా...నిజమయ్యే ఆ ఘడియ కోసం...!
ఓం శ్రీ వెంకటేశ్వరాయ నమః.!

LikeCommentShare